АҚШ-та вакцина салдырған конгрессмен коронавирус жұқтырды

АҚШ Конгресінің өкілдер палатасы мүшесі, Массачусетс штатының демократы Стивен Линч Pfizer/BioNTech вакцинасын салдырғаннан кейін коронавирус жұқтырды.

«РИА Новости» сайтының жазуынша, Линчте вирустың симптомсыз түрі анықталған, енді ол карантинге жабылып, жұмысын қашықтан істейді.

Стивен Линч жұма күні COVID-19 сынағын тапсырған, нәтижесі оң болды. Осыған дейін оның қарамағындағылардың бірі ауру жұқтырғаны атап өтілді.

Конгрессмен өкілдерінің ақпарынша, оған коронавирусқа қарсы вакцинаның екінші дозасы 20 қаңтарға дейін салынған.

Back to top button