Эмомали Рахмон Тәжікстанның коронавирусты толық жеңгенін мәлімдеді

Эмомали Рахмон Тәжікстанның коронавирусты толық жеңгенін мәлімдеді

30 желтоқсаннан бастап Тәжікстанда коронавирус инфекциясын жұқтырудың бірде-бір жағдайы тіркелмеген. Тәжікстан президенті Эмомали Рахмон елдің коронавирусты толық жеңетінін мәлімдеді, деп хабарлайды Sputnik. Оның айтуынша, Үкімет 2020 жылы денсаулық сақтау жүйесін қолдау үшін 145 миллион доллардан астам қаражат бөлді. "Қазір Тәжікстанда коронавирус жоқ, ол бізде толығымен жойылды", – деді Рахмон жыл сайынғы Жолдауында. Сонымен қатар, Рахмон елдің барлық тұрғындары қауіпсіздік шараларын сақтаулары керек екенін атап өтті. Тәжікстанда алғаш рет коронавирус 30 сәуірде анықталды. Осыдан кейін Республика билігі бірқатар шектеу шараларын енгізді: оқу орындары, балабақшалар, мешіттер, театрлар мен кинотеатрлар жабылды. Өзін-өзі оқшаулау режимі елде маусымның ортасына дейін сақталды. Эмомали Рахмонның айтуынша, елде шұғыл түрде 30-ға жуық жаңа аурухана пайдалануға берілді, 5400 медицина қызметкері коронавируспен ауыратын науқастарға қызмет көрсетті. Тәжікстанның Денсаулық сақтау министрлігінің соңғы мәліметтері бойынша, пандемия кезеңінде 13 308 адамнен коронавирус анықталды, 90 науқас қайтыс болды.