Димаш Құдайберген тыңдарманымен тікелей эфирде жүздеспек

Әлемге әйгілі отандасымыз Димаш Құдайберген жанкүйерлерімен тікелей эфирде жүздесуге уәде берді. «Сәлем, Dears! Менің алғашқы онлайн-концертімді көргендеріңіз үшін рақмет! Мен және менің командам бұл кешті өте жақсы өткізді. Мен сіздермен 31 қаңтардағы онлайн-концерт эфирінен кейін болатын тікелей эфирде кездесуді асыға күтетінімді айтқым келеді. Менің сіздерге айтарым бар! Мен сіздерді жақсы көремін! Рақмет!», - деп жазды әнші Димаш Instagram-парақшасында. Шара барысында жанкүйерлер Димашқа сұрақтарын қоюға, онлайн-концерт туралы әсерлерімен бөлісуге, сондай-ақ әртістің жоспарлары туралы білуге мүмкіндік алады. Еске сала кетейк, Димаш Құдайберген TIXR америкалық стриминг-платформада онлайн-концерт өткізген болатын. Концертті 100 елдегі жанкүйер тамашалады. Көптеген фанаттың өтінішіне байланысты аталмыш шоу 31 қаңтар күні Нұр-Сұлтан уақытымен 20:00-де қайтадан көрсетіледі. Димаш өнерсүйер қауыммен тікелей эфирді осы көрсетілімнен кейін өткізуді жоспарлап отыр. Сондай-ақ бұған дейін хабарлағанымыздай, жақында қазақстандық әншінің «Golden» әніне түсірілген жаңа бейнебаяны шығатын болады.