COVID-19: ШҚО-да қайтадан блокбекеттер қойылды

Шығыс Қазақстан облысының бас санитар дәрігері аймақтағы шектеу шараларын 2021 жылдың 25 қаңтарынан 7 ақпанына дейін ұзарту туралы жаңа қаулы шығарды. Құжатқа сәйкес, облыста санитарлық блокбекет қайта орнатылды. Екі блокпост Павлодар облысы тарапынан Шығыс Қазақстан облысының сыртқы шекараларында орнатылды. ҚР Мемлекеттік шекарасы арқылы өтетін 4 санитарлық бекет – «Ауыл», «Уба», «Бақты», «Майқапшағай» өткізу пункттеріне (Шемонаиха, Бородулиха, Үржар, Зайсан аудандары – 1 бекеттен) қойылды.