Ақтөбеде коронавирусқа қарсы дәрі-дәрмектер қоймада жоқ болып шықты

Ақтөбеде коронавирусқа қарсы дәрі-дәрмектер қоймада жоқ болып шықты

Ақтөбеде коронавирусқа қарсы дәрі-дәрмектер қоймада жоқ болып шықты
ашық дереккөзі
«Ақтөбе-адалдық алаңы» жобалық кеңсесі,  Ақтөбе облыстық Денсаулық сақтау басқармасы мен қоғамдық ұйым өкілдері дәрі-дәрмек қорына арнайы мониторинг жүргізді. Қоймада тиісті тізімдегі 8 дәрі-дәрмек жоқ болып шықты. COVID-19 дертіне қарсы 44 түрлі дәрі-дәрмектің 8-і Ақтөбе облысына осы күнге дейін жеткізілмеген. «Қазіргі кезде флуконазол, фондапаринукс, эпинефрин, эноксапарин, неостигмин, хлоропирамин, дексаметазон, метилпреднизолон дәрісі «СҚ-Фармация» АҚ-ның Ақтөбедегі қоймасында жоқ. «Тапсырыс берілген, жолда» деп айтады. Негізі барлығы қоймада сақталып тұруы керек. Бізге 2020 жылдың соңында бәрі толық жеткізілетінін айтқан болатын. Бірақ іс жүзінде орындалмаған», – деді «Ақтөбе-адалдық алаңы» жобалық кеңсесінің жетекшісі Жанболат Тұртаев.  width= «СҚ-Фармация» АҚ-ның Ақтөбедегі қоймасына қажетті дәрі-дәрмек үшін 1 миллиард теңгеден астам қаржы бөлінген. «Бір бөлігіне тапсырыс беріліп, қаңтар айының соңына дейін емдеу орындарына жеткізіледі. Фондапаринукс және эноксапарин дәрісі өзге препаратқа ауыстырылды. Былтыр тек эпинефрин сатып алынбады. Оған емдеу мекемелерінің өздері тапсырыс береді. Сонымен бірге сұраныс артқан жағдайда дәріханаларға қажетті 190 миллион теңгенің дәрісі қоймада сақтаулы тұр», – деді «СҚ-Фармация» АҚ-ның Ақтөбе облыстық филиал жетекшісі Нұрлан Жұбанышев.