Трамп президенттіктің соңғы күнін қалай өткізетіні белгілі болды

АҚШ президенті Дональд Трамп осы лауазымдағы соңғы күнінде Мэриленд штатындағы әскери аэродромда қоштасу рәсімін өткізуді жоспарлап отыр, деп  хабарлайды The Hill.  Іс-шара Вашингтондағы Джо Байденді ұлықтау рәсімінен бірнеше сағат бұрын өтеді. Трамп әскери шеру өткізіп, Бас қолбасшы ретінде Қарулы Күштермен ресми қоштасуды жоспарлағаны атап өтілді. Бұл шараға оның бірқатар жақтастары және әкімшілігінің бұрынғы шенеуніктері шақырылған. Журналист Бри Джексон "Твиттерде" Ақ үйден жолданған Эндрюс базасына шақыру қағаздарын жариялады. Рәсім сәрсенбіде жергілікті уақыт бойынша сағат сегізде басталады. Қатысушыларға әр түрлі заттарды, атап айтқанда қаруды, тіпті ойыншық және лазерлік көрсеткіштерді алып жүруге тыйым салынады. БАҚ-тың хабарлауынша, іс-шара барысында Эндрюс базасында 21 зеңбіректен тұратын отшашу ату мүмкіндігі қарастырылуда. Рәсімнің егжей-тегжейі әлі белгісіз, бірақ ол мұқият ойластырылған болуы мүмкін және мемлекеттік сапарды еске түсіруі ықтимал. Президенттіктің соңғы бірнеше сағатында Трамп Флоридадағы Мар-а-Лаго резиденциясына Air Force One алып реактивті ұшағының бортында ұшады. Ол мемлекет басшысының әуе кемесін соңғы рет қолдана алады, содан кейін ол Байденнің қарамағына өтеді.