Ақтөбедегі зауытта көз жұмған 5 жұмысшының өліміне қатысты сот үкімі шықты

Ақтөбедегі зауытта көз жұмған 5 жұмысшының өліміне қатысты сот үкімі шықты

Ақтөбе хром өндірісі зауытында көз жұмған шахтерлердің ісі аяқталды. Сот цех басшысы мен екі шеберді ақтады. Апаттың орын алауына марқұмдардың өздері деп табылды, деп хабарлайды Астана арнасы.  Оқиға былтыр мамырда болған еді. Жұмыскерлердің төртеуі ыстық буға күйіп, сол мезетте жан тапсырса, тағы бірі ауруханада көз жұмған. Оқиға бойынша цех басшысы мен шеберлерге қатысы сот басталған еді. Дегенмен судья олардың кінәсіз екенін анықтап, апатқа жауапты ретінде марқұмдардың өздерін тауыпты. "Бисембин Тұрар Қожабергенұлы, Балтоғожин Рустам Тұрсынбекұлы, Мұханов Өтесін Жұмбайұлы кінәсіз деп табылды. Олар ҚК 156 бабы 4 бөлімі бойынша қозғалған істе толығымен ақталды", - деді Ақтөбенің №2 сотының судьясы Әлима Әділова. Бұған қоса, кінәсіз деп табылғандар сотқа негізсіз тартылған деп танылып, тергеу жүргізіген органдарға қатысты шара қолданылатыны айтылды. Сондай-ақ, зауыттағылар моральдық өтемақы талап ете алады.