Ақпан айынан бастап жылу бағасы арзандайды

Қостанайда жылу тарифі ақпан айынан бастап төмендейді. Бұл туралы облыстық Табиғи монополияларды реттеу департаментінің мамандары айтты.

Табиғи монополияларды реттеу департаментінің басшысы Ақан Ташпановтың мәліметінше, жылумен жабдықтау қызметінің бағасы қазіргіден 8 пайызға арзан болмақ. Былтыр тамыз айында «Қостанай жылу-энергетикалық компаниясы» ЖШС жылумен жабдықтау қызметінің бағасын 6,4 пайызға арттыруды сұраған. Алайда монополистер жылу тарифін өсіруге қарсы шықты.

«Қостанай жылу-энергетикалық компаниясы» жылу жүйесінің бес жылдық тарифінің аяқталғанын алға тартып, бағаны қымбаттатуға өтінім берген болатын. Олардың ұсынған жобасы бойынша тариф қосымша құн салығынсыз 7 мың 578 теңгеге жетеді.

«Біздің департамент коммуналдық тарифтердің дұрыс есептеуін қадағалайды. Осыған байланысты жылумен жабдықтау жүйесінің бағасын 2018 жылғы тарифке сәйкестендіріп отырмыз. Табиғи монополияларды реттеу департаменті «Қостанай жылу-энергетикалық компаниясының» өтінімін қарап, 2021 жылға арналған орташа өткізу тарифінің шекті деңгейін бекітті. Жылу бағасы ақпан айынан бастап төмендеп, қосымша құн салғынсыз 6 970 теңге болады», – дейді департамент басшысы.

Ақан Ташпанов айтқандай, жылу тарифі төмендеген соң облыс кәсіпорындарының жылуға жұмсайтын қаражаты 2 млрд теңгеге төмендемек.

Back to top button