Жексенбі, 29 Қаңтар, 2023

2 адам жарақаттанды: ШҚО-да рөлге ие бола алмаған жүргізуші ғимаратқа соғылды

Шығыс Қазақстан облысында автокөлік жүргізушісі рульге ие бола алмай техникалық қызмет көрсету станциясының ғимаратына соғылған. 

ШҚО Полиция департаменті баспасөз қызметінің мәліметіне сүйенсек, жол-көлік оқиғасы 7 қаңтарда сағат 13:00 шамасында Алтай қаласында болған. Toyota көлігінің жүргізушісі Матросов көшесінде рульге ие бола алмай, техникалық қызмет көрсету станциясы ғимаратына соғылды. Сол кезде станция есігінің алдында 2 адам тұрған.

«Жол-көлік оқиғасы салдарынан жарақат алған азаматтар бірден медициналық мекемеге жеткізілді», – деп хабарлады ведомство өкілдері.

Қазіргі уақытта Алтай қалалық полиция бөлімінің тәртіп сақшылары бірқатар сараптама тағайындаған. Соның нәтижелері бойынша процессуалдық шешім қабылданады.

 

Байқау айқын
Байқау айқын

Ұқсас жаңалықтар

Back to top button