Трамп Джо Байденнің жеңісін мойындады

АҚШ президенті Дональд Трамп президенттік сайлауда басты қарсыласы болған Джо Байденнің жеңісін мойындады. Трамп твиттерде жариялаған телеүндеуінде президенттік өкілеттікті Байденге заңды түрде тапсыратынын уәде етіп, жаңа президент өз қызметіне қаңтардың 20-сы кірісетінін жеткізді. «Хабар 24» сайтының жазуынша, Дональд Трамп басты саяси додада жеңіліске ұшырағанын сайлаудан кейін екі ай өткен соң ғана мойындап отыр. «Мен Капитолийге жасалған сұмдық шабуылды айыптаймын. Америка – үнемі заң мен тәртіпке берік мемлекет. Капитолийге басып кірген бұзақылар америкалық демкоратияны аяққа таптады. Олар тиісті жазасын алады. Менің командам сайлаудың қорытындысын тек заңды жолдармен қайта қарауға күш салды. Конгресс сайлаудың қорытындысын бекітті, жаңа әкімшілік қаңтардың 20-сында қызметіне кірседі», – деді Дональд Трамп.