Nur Otan: шағын және орта бизнес өкілдеріне партияның сайлауалды бағдарламасы түсіндірілді

Nur Otan партиясынан Қарағанды облыстық мәслихаты депутаттығына кандидат Марат Кеңесұлы Ибатовтың сенімді өкілдері Бұқар Жырау ауданының шағын және орта бизнес өкілдерімен үгіт-насихат кездесуін өткізді, онда кандидаттың сайлауалды бағдарламасымен таныстырды.

Мемлекеттің экономикаға қатысуын 14%-ға дейін қысқарту, бизнес және бәсекелестікті дамыту кедергілерін жою есебінен шағын және орта бизнес үшін қызмет аясы кеңейтіледі.

Өңірде инвестицияларды тиімді салу, жаңа озық технологияларды енгізу, өндірісті қазіргі заманғы жабдықтармен және жоғары өнімді техникамен жарақтандыру есебінен жоғары технологиялық агроөнеркәсіптік кешен құру жөніндегі жұмыс жалғастырылады.

«Қарапайым заттар экономикасы» бағдарламасы шеңберінде ішкі және сыртқы нарықтарда сұранысқа ие халық тұтынатын тауарлар өндірісінің артуы қамтамасыз етіледі.

10 ірі туристік кластерді дамыту есебінен ЖІӨ-дегі туризм үлесін 8%-ға дейін жеткізу қамтамасыз етілетін болады.

IT-саласында инвестициялар 6 есеге ұлғайып, 1000-нан астам жаңа IT-компаниялар құрылатын болады.

Өз бизнесін ашу үшін 50 мың азаматқа, оның ішінде 42 мың ауыл тұрғынына жалпы сомасы 250 млрд теңгеге микрокредиттер берілетін болады.

Шағын және орта бизнес секторында жұмыспен қамтылғандар саны 3,5-тен 4 млн адамға дейін, ал оның ЖІӨ-дегі үлесі 30-дан 35%-ға дейін өседі.

Салық кодексіне салықтар мен төлемдердің санын қысқарту, салықтарды есептеу тәртібін оңайлату бөлігінде өзгерістер енгізілетін болады.

Тұтастай алғанда, мемлекет орта таптың негізі, экономикалық дамудың қозғаушы күші, инновациялардың, жұмыспен қамтуды қамтамасыз етудің және қоғамның әлеуметтік тұрақтылығының негізгі жолсерігі болып табылатын бизнеске жан-жақты қолдау көрсететін болады.

Кездесу барысында сенім білдірілген адамдар сұрақтарға жауап беріп, сайлаушылардың талаптарын жазып алды.

Nur Otan партиясының сайлауалды бағдарламасы адамдардың өмір сүру сапасы мен әл-ауқатын нақты жақсартуға бағытталған!

Nur Otan партиясының Қарағанды облыстық филиалының
сайлау қорынан төленді

Back to top button