Түркістандық көкпаршылар Nur Otan партиясын қолдады

Түркістан – ұлттық спорт түрлері өте жақсы дамыған өңір. Күңгейдегі ат құлағында ойнайтын азаматтар, спортшылар қауымы Nur Otan партиясының сайлауалды бағдарламасын ат үстінде талқылап, қолдау білдірді. Түркістан облысы, Мақтаарал ауданындағы нұротандықтар Иіржар ауылдық округінің көкпаршыларымен кездесті. Кездесу барысында кандидаттар партияның сайлауалды бағдарламасын түсіндіріп, ондағы 7 басымдыққа тоқталды. Шабандоздармен тілдесіп, ұсыныс-пікірлерін тыңдады. Сұрақтарына жауап берді.

whatsapp image 2020 12 30 at 14.05.34

Шабандоздар  ықылым заманнан бері қазақтың қанына сіңіп, дәстүрімен біте қайнасып келе жатқан, заман талабына сай түрленіп, толыса түскен ұлттық ат спортын дамыту, жас ұрпақтың арасында кеңінен насихаттау мәселелелерін көтерді. Өскелең ұрпақтың арасында тақымы мықты, білекті де жүректі жігіттерді тәрбиелеу керектігі айтылды.

Шабандоздар мен атбегілердің ұсыныстарын тыңдаған үміткерлер айтылған мәселелер партияның сайлауалды бағдарламасында қаралғандығын жеткізді. Атап айтсақ, алдағы 5 жылда Түркістан облысында халықаралық талапқа сай ипподром ашылады.  4 дене шынықтыру-сауықтыру орталығы салынады. Бұл қадам ұлттық спортты дамытуға серпін бермек. Nur Otan партиясы спорт нысандарының салынуымен қатар ұлттық спорт түрлерінің дамуына да қолдау көрсетуді жалғастырады. Бұған дейін де еліміздегі ең ауқымды додалар партияның қолдауымен өтіп жүргенін ел біледі.  Бүгінде Түркістан облысы көкпар, аударыспақ, теңге ілу, жамбы ату спорты түрлерінен Қазақстанда ғана емес, әлемдік деңгейде үздіктер қатарында. Облыстың 16 аудан, қаласында да көкпар командалары, тақымы мықты шабандоздары бар.

whatsapp image 2020 12 30 at 14.05.35

Мырзашөл төріндегі спорттық әрі пікір алмасу іс-шарасында ел азаматтары Nur Otan партиясының бағдарламасындағы ауылды дамыту, ұлттық спорт түрлерін, жалпы бұқаралық спортты қолдау бағытындағы бастамаларын қолдады. Тұлпарларының үстінде Қазақстанның туын желбіретіп, бірлікті, тұрақтылықты, дамуды ұрандап шапқан азаматтар елмен бірге екендерін жеткізді.

Жігіттің сұлтандары, елдің сұңқарлары сенім артқан партияға дауыс бер! Жеңімпаздар қатарында бол! Біз біргеміз!

Nur Otan партиясы Түркістан облыстық филиалының баспасөз қызметі

Nur Otan партиясы сайлауалды штабының қорынан төленді

Back to top button