«سەرگەك» 1 ملن-نان استام زاڭبۇزۋشىلىقتى انىقتادى

2020 جىلدىڭ باسىنان بەرى «سەرگەك» اپپارات-باعدارلامالىق كەشەنى الماتىدا ميلليوننان استام جول ەرەجەسىن بۇزۋ فاكتىسىن انىقتادى،  – دەپ حابارلايدى قازاقپارات.

«سەرگەك» كامەرالارى الماتى قالاسىنا 2019 جىلعى ءساۋىر ايىنان باستاپ ورناتىلدى. العاشىندا 10 «سەرگەك» اپپارات-باعدارلامالىق كەشەنى قولدانىسقا بەرىلسە، 2020 جىلعى قاڭتاردان باستاپ 404 «سەرگەك» كامەراسى ورناتىلدى.

«كامەرالار قالانىڭ بارلىق اۋدانىن قامتيدى. جاياۋ جۇرگىنشىلەر وتكەلدەرىنە، قيىلىستارعا، كوپىرلەر مەن كوشەلەرگە ورناتىلعان. جىلدىڭ باسىنان بەرى «سەرگەك» كامەرالارى 1 123 735 جول ەرەجەسىن بۇزۋ فاكتىسىن تىركەدى»، – دەيدى الماتى قالالىق پد اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.

2021 جىلى الماتىدا قوسىمشا 3 286 «سەرگەك» كامەراسى ورناتىلادى.

ۇقساس جاڭالىقتار

Back to top button