Ертең еліміздің бірқатар өңірінде күн суытады
Сәрсенбі күні Қазақстанның бірқатар облысында дауылды ескерту жарияланды. Бұл туралы «Қазгидромет» РМК баспасөз қызметі хабарлайды.
«30 желтоқсанда Ақмола облысының кей жерлерінде бұрқасын күтіледі. Батыстан, солтүстік-батыстан жел соғады, кей жерлерде күші 15-20 м/с күтіледі. Дауылды ескертудің ықтималдығы – 85-90%», – делінген хабарламада.
30-31 желтоқсанда Қарағанды облысынның кей жерлерінде тұман, бұрқасын күтіледі. 31 желтоқсанда Қарағанды облысында ауа температурасы -25-30 градус, кей жерлерде – 35, ал 1 қаңтарда -30-35, -39 градусқа дейін күрт суытады. Дауылды ескертудің ықтималдығы 95-100%.
«30 желтоқсанда Батыс Қазақстан облысының кей жерлерінде тұман күтіледі. Орал қаласында 30 желтоқсанда түнде және таңертең тұман күтіледі. Дауылды ескертудің ықтималдығы – 85-90%», – делінген хабарда.
30 желтоқсанда Ақтөбе облысының кей жерлерінде тұман күтіледі. Ақтөбе қаласында түнде және таңертең тұман күтіледі. Дауылды ескертудің ықтималдығы – 90-95%.
«1 қаңтарда Шығыс Қазақстан облысында ауа температурасы -31-36 градус, кей жерлерде -39-ға дейін суытады. Дауылды ескертудің ықтималдығы – 95-100%», – дейді синоптиктер.
Солтүстік-Қазақстан облысында ауа температурасы 27-32 градус аязға дейін күрт төмендейді, түнде 31 желтоқсан мен 1 қаңтарда 30-35, кей жерлерде 38 градус аяз болады. Дауылды ескертудің ықтималдығы – 95-100%.
