Байден мигранттарға қарсы Трамп шектеулерінің күшін жоюға уәде берді

АҚШ-тың сайланған президенті Джо Байден қазіргі америкалық көшбасшы Дональд Трамп енгізген мигранттарға қатысты шектеулерді алып тастауға уәде берді, деп хабарлайды РИА Новости

«Трамп әкімшілігі елдің оңтүстік шекарасында жүйелі түрде құрған гуманитарлық апатты жою үшін қандай қадамдар жасау керектігі туралы бізге хабарланды. Біз бірінші күннен бастап Трамп шектеулерінің күшін жою үшін мақсатты, мұқият және жауапкершілікпен жұмыс істейміз», — деді Байден.

Саясаткер АҚШ-тағы баспана іздеушілермен жедел жұмыс істеуге және коронавирустық пандемия кезіндегі дағдарыстың алдын алуға ниетті екенін атап өтті.

Орталық Американың кедей елдерінен келген мыңдаған мигранттар 2018 жылдың қазан айында Мексика арқылы Америка билігінен пана сұрау үшін АҚШ шекарасына қарай бет алды. Трамп заңсыз иммигранттардың ағынын болдырмау үшін шекараға мыңдаған әскер жіберді. Наурыз айының соңында Орталық Америкадан АҚШ-қа мигранттардың жаңа керуені келгені белгілі болды. Ондағы адам саны – 1,2 мың.

Америка-Мексика шекарасында қабырға салу Трамптың 2016 жылғы президенттік сайлаудағы бағдарламасының негізгі бағыттарының бірі болды. Ол үшін ол төтенше жағдай енгізіп, әскери шығындарды қайта бағыттады, бірақ 25 мамырда Калифорния соты АҚШ Қорғаныс министрлігінің бюджет қаражатын мұндай мақсатта пайдалануына тыйым салғаны белгілі болды.

Back to top button