Nur Otan 60 көпфункционалды корт пен 97 спорт алаңын орнатуға жәрдемдеседі – Қарағанды облысы

Nur Otan 60 көпфункционалды корт пен 97 спорт алаңын орнатуға жәрдемдеседі – Қарағанды облысы

Nur Otan 60 көпфункционалды корт пен 97 спорт алаңын орнатуға жәрдемдеседі – Қарағанды облысы
ашық дереккөзі

Nur Otan партиясынан облыстық мәслихат депутаттығына кандидат Ғабдолла Дүйсенбаевтың облыстық теннис федерациясының басшылығымен және тәрбиеленушілерімен, сондай-ақ мамандандырылған балалар мен жасөспірімдер жекпе-жек мектебінің қызметкерлерімен кездесуі кезінде салауатты өмір салтын қалыптастыру, облыста әуесқой және кәсіпқой спортты дамытудың өзекті мәселелері талқыланды.

– Мен бүкіл өмірімді спортпен байланыстырғаныма мақтанамын. Облыстық дзюдо федерациясының вице-президенті ретінде ғана емес, салауатты өмір салтын қолдайтын адам ретінде бұқаралық спортты біздің облыста, өз елімізде дамытуды толығымен қолдаймын. Nur Otan партиясынан облыстық мәслихат депутаттығына үміткер ретінде жауапты қызметке сайлансам, біздің облыста жаңа спорттық таланттардың шығуына, Қарағанды қаласында ғана емес, облысымыздың басқа қала, аудандарында тиімді және қол жетімді спорттық инфрақұрылымды құруға ықпал ету үшін бар күшімді саламын деп уәде беремін, – деді Ғабдолла Дүйсенбаев. Өз кезегінде теннисшілер облыста осы спорт түріне үлкен көңіл бөлінетіндігін айтты. Атап айтқанда, жақында көпфункционалды теннис орталығы Қарағандыда өз жұмысын бастады. Бұл кешен еліміздегі ең ірі кешендердің бірі, оның техникалық жабдықталуы халықаралық және республикалық турнирлер өткізуге, сондай-ақ, қазақстандық спортшылардың кәсіби шеберліктерін арттыруға мүмкіндік береді. – Қарағанды елдегі әуесқой теннисті дамытатын жетекші қалалардың бірі болып саналатындығы қуантады. Біз Алматы мен Нұр-Сұлтаннан кейінгі үшінші орындамыз. Рас, әлі де жұмыс істеуді қажет ететін мәселелер бар. Мәселен, қазіргі уақытта облыстың ірі қалаларында инфрақұрылымды дамыту және теннис секцияларын ашу мәселесі қозғалуда. Сіз баланы 4 жастан бастап сабаққа тіркей аласыз. 10 жасқа дейінгі жас спортшылар барлық қажетті құрал-жабдықтармен тегін қамтамасыз етілген, – деді қуанышпен Ғабдолла Дүйсенбаев. Nur Otan партиясынан облыстық мәслихат депутаттығына үміткер ыстық ықыласпен жекпе-жек мамандандырылған балалар мен жасөспірімдер спорт мектебінде болып, онда жаттықтырушылармен және тәрбиеленушілермен кездесті. Оның айтуынша, мекеме жарнамаға мұқтаж емес, ол біздің еліміздің шекарасынан тыс жерлерде де танымал. Мектеп қабырғасынан Қазақстанның ең мықты боксшылары шықты. Мысалы, 1998 жылғы әлем чемпионы Серік Елеуов, әлем чемпионы Игорь Ружников, 1998 жылы Аргентинада өткен бокстан Әлем чемпионатының және 2002 жылғы әлем кубогының жеңімпазы Павел Сторожу, есімі бүкіл әлемге танымал 2000 және 2003 жылдардағы әлем чемпионы, XXVIII Олимпиада ойындарының күміс жүлдегері Геннадий Головкин де осы мектептен тәлім алған. – Өткен жылы жекпе-жек спорт мектебі өзінің 25 жылдығын атап өтті. Жас буын спортшылардың арасында өзіне дейінгі даңқты спортшылардың жетістіктерін жалғастыратын лайықты азаматтар бар екеніне сенімдімін. Өйткені олармен тамаша тәлімгерлер жұмыс істейді, олардың ішінде Қазақстан Республикасының еңбек сіңірген жаттықтырушылары, сонымен қатар, көптеген жоғары санаттағы жаттықтырушылар бар. Қазіргі уақытта мектеп жеті спорт түрімен айналысады: дзюдо, таэквондо WTF, каратэ-до, кикбоксинг, қоян-қолтық ұрыс, таэквондо ITF және жақында ғана панкратион грэпплинг өз жұмысын бастады. Мұнда бір жарым мыңнан астам студент оқиды. Оларға шын жүректен сәттілік пен жаңа спорттық жеңістер тілеймін! – деді Ғабдолла Дүйсенбаев. Үміткер Nur Otan партиясының сайлауалды бағдарламасына сәйкес партия алдағы бесжылдықта өз жұмысын ұлт денсаулығын нығайтуға, халықты бұқаралық спортқа тартуға бағыттайтынын баса айтты. 18 жаңа нысанды пайдалануға беру есебінен инфрақұрылым едәуір кеңейеді. Оның ішінде: Жезқазған мен Шахтинскіде бассейні бар екі ДШСК, Нұра ауданындағы жабық бассейн, Жезді және Ботақара ауылдарындағы екі ДШСК спорт орталығы, К.Байшагулова атындағы спорт кешені, Қарағанды қаласындағы триатлон паркі бар. 2022 жылы Жезқазған мен Қарағандыдағы спорт орталықтары, Ақтас және Нұра ауылдарындағы екі ДШСК, жабық бассейн және Қарағанды қаласында ипподром салынады. 2023 жылы облыс орталығында жабық футбол манежі бой көтереді. Сонымен қатар, партия 60 көпфункционалды корт пен 97 спорт алаңын орнатылуына жәрдемдеседі. Мұның бәрі 2025 жылға қарай халықты спорттық инфрақұрылыммен қамтамасыз ету көрсеткішін 1000 адамға шаққанда 62,5%-ке дейін арттырады және 421 000 адамды бұқаралық спортпен қамтуға әсерін тигізетіні сөзсіз.

Nur Otan партиясының Қарағанды облыстық филиалының Сайлау қорынан төленді