Еліміздің екі өңірінде 42 градусқа дейін аяз түседі

«Қазгидромет» алдағы үш күнге ауа райы болжамын жариялады. «Арктикалық суық ауа массаларымен Солтүстік Антициклон Қазақстанның солтүстік және шығыс бөлігіндегі ауа температурасының күрт төмендеуін тудырады. Термометр бағаны 35-42 градус аязға жетеді. Аяз күшейіп, елдің басым бөлігінде күннің салқындауына әкеледі», – делінген хабарламада. Республиканың батыс өңірлеріне ғана 27 желтоқсаннан бастап жылу мен ылғалдың үлкен қорымен Атлантикалық циклон ауыса бастайды. Оның әсерінен жауын-шашын түсіп, кей жерлерде қар жауады. Жел күшейіп, жаяу бұрқасын тұрады. Ауа температурасы кей жерде күндізгі уақытта -5 градусқа дейін түсіп, кей жерлерде +5 жылуы мүмкін. Сондай-ақ, республика бойынша кей жерлерде тұман, батыста және оңтүстікте көктайғақ болады.