قاڭتاردان باستاپ مۇعالىمدەردىڭ جالاقىسى قانشاعا وسەتىنى بەلگىلى بولدى

2021 جىلدىڭ قاڭتارىنان باستاپ پەداگوگتەردىڭ جالاقىسى تاعى 25 پايىزعا وسەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.

«بيىل پرەزيدەنت ءبىزدىڭ الدىمىزعا مۇعالىمدەردىڭ جالاقىسىن 25 پايىزعا ءوسىرۋ مىندەتىن قويعان ەدى. ءبىز تاپسىرمانى ورىندادىق. كەلەسى جىلى قاڭتار ايىنان باستاپ بارلىق پەداگوگتىڭ جالاقىسى تاعى 25 پروتسەنتكە كوبەيەدى»، – دەدى ايماعامبەتوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

مينيستر تەك مەكتەپ مۇعالىمدەرىنىڭ ەمەس، بالاباقشا، كوللەدج، قوسىمشا ءبىلىم بەرۋ جۇيەسىنىڭ پەداگوگتەرىنىڭ ايلىعى كوتەرىلەتىنىن اتاپ ءوتتى.

بىلىكتىلىك ساناتىنا قاراي مۇعالىم ءوز جالاقىسىنىڭ 30-50 پروتسەنتىنە دەيىن قوسىمشا اقى الادى. ەگەر ول شەبەر بولسا، اي سايىن ەڭبەكاقىسىنىڭ 50 پايىزىنا دەيىن ۇستەماقى بەرىلەدى.

سونداي-اق، ءپاندى اعىلشىن تىلىندە بەرۋ، سىنىپ جەتەكشىلىگى، داپتەر  تەكسەرگەنى ءۇشىن قوسىمشا اقىلار قاراستىرىلعان.

ۇقساس جاڭالىقتار

Back to top button