ديماش قۇدايبەرگەن جاڭا كليپىن تانىستىردى (ۆيدەو)

ديماش قۇدايبەرگەن «يا سكۋچايۋ پو تەبە» كومپوزيتسياسىنا تۇسىرىلگەن بەينەباياندى كوپشىلىك نازارىنا ۇسىندى.

ءانشىنىڭ ءوزى بۇل ءاندى ۇزاق ۋاقىت الىستاپ قالعان سۇيىكتى تىڭدارماندارىنا ارناعانىن جانە بۇل كومپوزيتسيا ورىنداۋشىنىڭ ار جانكۇيەرىنە جەكە جولداۋى ەكەنىن اتاپ ءوتتى.

ۆيدەونى رەسەيلىك رەجيسسەر ەۆگەني كۋريتسىن تۇسىرگەن. ول  جۇمىس وتە وڭاي جانە ۇيلەسىمدى بولعانىن اتاپ ءوتتى. ديماش كليپتىڭ تۇجىرىمداماسىمەن تانىسىپ، ەكى-ءۇش دۋبل جاساپ، ءتۇسىرىلىم توبى قويىلىم بويىنشا جۇمىس ىستەي باستاعان.

«ديماش وتە شەبەر جانە وزىنە وتە تالاپشىل. ار ءدۋبلدى مۇقيات قاراپ، كەيدە بەينەگە كوبىرەك ەموتسيا بەرۋ ءۇشىن تۇزەتۋلەر ەنگىزدى. مەنىڭ ويىمشا، ول قاجەتتى اتموسفەرانى وتە جاقسى جەتكىزدى»، – دەپ ءبولىستى رەجيسسەر.

ۇقساس جاڭالىقتار

Back to top button