«Бұл ‒ жақсы белгі»: Ғалым коронавирустың жаңа мутациясынан қорықпауға шақырды

Ресейдің Ұлттық өнеркәсіптік медицина қоғамының төрағасы Алексей Яковлев «МК»-ға берген сұхбатында коронавирустың жаңа мутациясының жақсы белгісін атап өтті.

Оның айтуынша, COVID-19 мутациясы оның көп ұзамай әлсіреп, қаупі сейілетінін білдіреді. Дәрігер барлық респираторлық вирус сияқты SARS-CoV-2-нің де өлім-жітім көрсеткіші азая бастайтынын айтты.

А.Яковлевтің сөзінше, бір кездері коронавирус жұқтыру адамзат үшін суық тиюмен бірдей болады. Сонымен қатар, мамандар вакцинаны вирустың жаңа штаммына бейімдеп, оңай өзгерте алады. «Ең бастысы — вакцинаны жасауға арналған платформа болуы керек, ол бізде бар және жалғыз емес», — деді маман.

Еске сала кетейік, бұдан бұрын әлемнің тағы бір елінде «жаңа» коронавирус тіркелгенін хабарлағанбыз.

Back to top button