Головкиннің келер жылы жекпе-жекке шығатын қарсыластары белгілі болды

Головкиннің келер жылы жекпе-жекке шығатын қарсыластары белгілі болды

Головкиннің келер жылы жекпе-жекке шығатын қарсыластары белгілі болды
ашық дереккөзі
Орта салмақтағы IBF және IBO тұжырымдары бойынша әлем чемпионы – қазақстандық Геннадий Головкиннің (41-1-1, 36 КО) 2021 жылы жекпе-жекке шығатын екі қарсыласы белгілі болды, – деп жазды Sports.kz. Бұл жайлы The Athletic басылымының инсайдері Майк Коппинджер мәлім еткен. Геннадий 19 желтоқсан күні поляк боксшысы Камил Шереметамен (21-1, 5 КО) айқасып, жетінші раундта жеңіске жеткен болатын. «Егер «Канело» болмаса, GGG-дің келесі қарсыласы кім болмақ? Ең ықтимал нұсқа – мексикалық Хайме Мунгия. Дереккөздерге сүйенсек, кездесу көктемге жоспарланып отыр. Енді біреуі: супер жұлдыз болып саналатын олимпиада чемпионы Риота Муратамен Токиода айқасу. GGG осы екі жекпе-жектің фавориті болмақ және бұл оны күзде одан да маңызды жекпе-жекке ынталандырады», – деп жазды Коппинджер.