Криштиану – Еуропаның ең үздік ойыншысы

«Реал» мен Португалия құрамасының шабуылшысы Криштиану Роналду УЕФА нұсқасы бойынша 2015/16 жылдардағы маусымда Еуропаның ең үздік ойыншысы атанды. Жеңімпазды УЕФА құрамына кіретін елдердің журналистерінен құралған әділқазылар алқасы анықтады. Роналдудан бөлек үміткерлер қатарына мадридтік «Атлетико» шабуылшысы Антуан Гризманн мен «Реалдың» тағы бір ойыншысы Гарет Бэйл енген. Роналду бұл маусымда «Реал» сапында Чемпиондар лигасында топ жарып, Португалия құрамасымен бірге кәрі құрлық чемпионы атанған болатын.