Батыс Қазақстанда 11 айда мемлекеттік бюджеттен 776 миллион ұрланған

Батыс Қазақстанда 11 айда мемлекеттік бюджеттен 776 миллион ұрланған

Батыс Қазақстан облысы сыбайлас жемқорлыққа қарсы іс-қимыл департаментінің 2020 жылдың 11 айындағы қызметі туралы ведомство басшысы Рүстем Ақмырзаев айтты.

«2020 жылдың 11 айында департамент 101 сыбайлас жемқорлық қылмысын анықтады, 2019 жылдың осындай кезеңінде 107 осындай қылмыс болды. Олардың басым бөлігін парақорлық фактілері, 78% немесе 79 факт, сондай-ақ иемдену және алаяқтық 21 факті құрайды. Іс жүргізуде барлығы 134 сыбайлас жемқорлық ісі тіркелді, оның 102 – сі сотқа жіберілді», – деді Рүстем Ақмырзаев.

Оның айтуынша, аяқталған қылмыстық істер бойынша залал 776 миллион теңгеге жеткен, 607 миллион теңге өндіріліпті.

«Осы кезеңде сыбайлас жемқорлық үшін 55 адам сотталды: үшеуі бас бостандығынан айырылды, екеуі бас бостандығын шектеуге сотталды, 50 адамға айыппұл салынды, оның сомасы 33 миллион теңгені құрады», – деді Рүстем Ақмырзаев.