Дычко да Қостанайдан үш бөлмелі пәтер алады

Бүгін Қостанай мен Рудный қалалары өз Олимпиада батырын - Рио жазғы  ойындарының бокстан қола жүлдегері Иван Дычконы күтіп алды. Облыс орталығы көшелеріне шыққан жанкүйерлердің қошеметіне бөленген Иван қолына Мемлекеттік Ту ұстап, салтанатты кортежде жүріп өтті. Қостанайдағы мерекелік шаралар аяқталды және Дычко өзінің туған қаласы 50 шақырым жердегі Рудныйға аттанды. Рудный орталық алаңында спортшыға құрмет көрсетіледі және Қостанай облысының әкімі Архимед Мұхамбетов Қостанай қаласынан берілетін үш бөлмелі пәтер сертификатын табыстайды.