جاڭا جىلدان باستاپ دۇكەندەر مەن كىتاپحانالاردا ورىس تىلىندە سويلەۋگە تىيىم سالىنادى

ۋكراينادا 2021 جىلدىڭ 16 قاڭتارىنان باستاپ قىزمەت كورسەتۋ سالاسى تولىعىمەن ۋكراين تىلىنە كوشۋى ءتيىس. كليەنتتەردىڭ ءوتىنىشى بويىنشا عانا وزگە تىلدەردە قىزمەت كورسەتۋگە رۇقسات بەرىلمەك. بۇل تۋرالى مەملەكەتتىك ءتىلدى قورعاۋ جونىندەگى ۋاكىلەتتى وكىل تاراس كرەمەن مالىمدەدى، دەپ حابارلايدى «ينتەرفاكس».

زاڭ بويىنشا تاۋارلار مەن قىزمەتتەردى ۇسىنۋشىلاردىڭ ءبارى تۇتىنۋشىلارعا ۋكراين تىلىندە اقپارات بەرىپ، تەك وسى تىلدە قىزمەت كورسەتۋى ءتيىس. كليەنتتەرمەن ورىسشا سويلەسۋگە تىيىم سالىنادى.

«سۋپەرماركەتتە، ينتەرنەت-دۇكەندە، كافە، بانك، ءدارىحانا نەمەسە كىتاپحانا بولسىن – قىزمەت ۋكراين تىلىندە كورسەتىلۋى قاجەت. تەك كليەنتتىڭ ءوتىنىشى بويىنشا وعان وزگە تىلدە قىزمەت كورسەتۋگە جول بەرىلەدى»، – دەدى كرەمەن.

ايتا كەتەيىك، 2020 جىلدىڭ ناۋرىزىندا ۋكراينا پرەزيدەنتى ۆلاديمير زەلەنسكي «تولىق ورتا ءبىلىم تۋرالى» زاڭعا قول قويعان بولاتىن. قۇجات بويىنشا 1 قىركۇيەكتەن باستاپ ەلدەگى بارلىق ءورىستىلدى مەكتەپتەردىڭ جۇمىسى توقتاتىلدى. ءورىستىلدى وتباسىلاردىڭ بالالارىن 5-سىنىپتان باستاپ پاندەردىڭ 80 پايىزىن ۋكراين تىلىندە يگەرۋى ءتيىس. ورىس تىلىندە وقىتۋ باعدارلامالارىن جۇرگىزۋگە تىيىم سالىندى.

ۇقساس جاڭالىقتار

Back to top button