Жаңа жылдан бастап дүкендер мен кітапханаларда орыс тілінде сөйлеуге тыйым салынады

Жаңа жылдан бастап дүкендер мен кітапханаларда орыс тілінде сөйлеуге тыйым салынады

Жаңа жылдан бастап дүкендер мен кітапханаларда орыс тілінде сөйлеуге тыйым салынады
ашық дереккөзі
Украинада 2021 жылдың 16 қаңтарынан бастап қызмет көрсету саласы толығымен украин тіліне көшуі тиіс. Клиенттердің өтініші бойынша ғана өзге тілдерде қызмет көрсетуге рұқсат берілмек. Бұл туралы мемлекеттік тілді қорғау жөніндегі уәкілетті өкіл Тарас Кремень мәлімдеді, деп хабарлайды «Интерфакс». Заң бойынша тауарлар мен қызметтерді ұсынушылардың бәрі тұтынушыларға украин тілінде ақпарат беріп, тек осы тілде қызмет көрсетуі тиіс. Клиенттермен орысша сөйлесуге тыйым салынады. «Супермаркетте, интернет-дүкенде, кафе, банк, дәріхана немесе кітапхана болсын – қызмет украин тілінде көрсетілуі қажет. Тек клиенттің өтініші бойынша оған өзге тілде қызмет көрсетуге жол беріледі», - деді Кремень. Айта кетейік, 2020 жылдың наурызында Украина президенті Владимир Зеленский «Толық орта білім туралы» заңға қол қойған болатын. Құжат бойынша 1 қыркүйектен бастап елдегі барлық орыстілді мектептердің жұмысы тоқтатылды. Орыстілді отбасылардың балаларын 5-сыныптан бастап пәндердің 80 пайызын украин тілінде игеруі тиіс. Орыс тілінде оқыту бағдарламаларын жүргізуге тыйым салынды.