Президент туған күніне қандай сыйлық алғысы келетінін айтты

Бүгін Венесуэла президенті Николас Мадуро 58 жасқа толған туған күнін атап өтуде. Ол құттықтауларды қабылдауға дайын екенін мәлімдеді.  Мадураның айтуынша, ел тұрғындарының 6 желтоқсанда өтетін парламент сайлауына жаппай қатысуы оның туған күніне жасалған ең керемет сый болмақ. Бұл туралы Венесуэла басшысы ұлттық телеарна эфирінде айтты, деп хабарлайды korrespondent.net. "Егер сіздер менің туған күніме сый жасағыларыңыз келсе, 6 желтоқсанда бүкіл отбасыларыңызбен сайлауға барыңыздар", - деді Мадуро. Десе де, президент бүгін де сый-сыяпаттарды қабылдаудан бас тартпайтынын жеткізді.