Зайсан көліне балық аулауға кеткен 2 азамат табылмай жатыр

Шығыс Қазақстан облысының құтқарушылары үш күннен бері Зайсан көліне балық аулауға барып, із-түзсіз кеткен екі балықшыны іздестіріп жатыр, – деп хабарлады облыстық төтенше жағдайлар департаменті.

Тарбағатай ауданында 1990 және 1981 жылы туған екі балықшы 20 қарашада балық аулауға шығып, содан бері оралмаған. 21 қараша таңертең оқиға орнына құрамында 10 адамы бар топ пен бір арнайы техника, «Пегас» қайығы аттанды.

038f3c7d f2f5 463d 8588 270ad3d0e32c

«Одан бөлек облыстық әкімдіктің Ми-8 тікұшағы да балықшыларды іздеуге жұмылдырылды. Жергілікті полицияның дрон ұшатын аппараты мен жергілікті 50 тұрғын да осы іске атсалысып жатыр» –делінген хабарламада.

Сол күні балықшылардың қайығының бензин құятын ыдысы табылды. Кеше, яғни 22 қарашада сүңгуір мамандар арнайы құралдың көмегімен көл бетіндегі мұздың астында іздеу жұмысын жүргізді. Кешке қарай жоғалғандардың қайығы табылды. Құтқарушылар балықшылардың қайығын мұз астынан алып шықты. Ал бүгін сүңгуірлер су астындағы іздеу жұмысын жалғастырады.

Back to top button