Қандастар квотаға қанша теңге алады?

Шетелден көшіп келетін этникалық қазақтарға мемлекеттен бір реткі берілетін квотаның көлемі бұрынғы мөлшерден едәуір азайды. Қазақстанда қандастарды қа­былдаудың биылға арнал­ған өңірлік квотасы Үкіметтің қау­лысына сәйкес, 1 378 адамға беріл­мек. Өткен жылы 2 031 адамға квота бөлінген болатын. «2020 жылы квота былайша бө­лін­ді: Павлодар облысы бойынша – 500 адам, Қостанай облысы – 350, Ақ­мола облысы – 258, Шығыс Қа­зақ­стан облысы – 150 және Сол­түс­тік Қазақстан облысы бойынша – 120» делінген Еңбек және халықты әлеу­меттік қорғау министрлігінің ақпаратында. Қазақстанға келген қан­дас­тар­ды қолдау ретінде субси­дия бөлінеді. Тарихи Отанына кө­шіп келген отбасының әр мүшесіне 35 АЕК (84,2 мың теңге) мөлшерінде біржолғы төлем, тұрғын үйді жалға алу және коммуналдық қызметтерді төлеуге жұмсалған шығысты жабуға 12 ай ішінде отбасына 15-тен 30-ға дейінгі көлемде АЕК (36,1-ден 72,2 мың теңге) беріледі.

Бақыт БЕКОВ