«Сары шашты қыздың елесі» туралы бар шындық ашылды

Жолдағы қыздың елесі туралы тың дерек мәлім болды.

Қаратөбе аудандық полиция бөлімінің басшысы Роман Дүйсеғалиев өңір тұрғындарын үрейленбеуге шақырды. Ешқандай зұлым рухтың жоқ екені дәлелденді. Бұл туралы Батыс Қазақстан облысының полицейлері атқарылған ауқымды жұмыстар туралы мәлімдеді,-деп хабарлайды turkystan.kz.

«Қаратөбе полиция бөлімінің қызметкерлері елес түсірілген бейнероликті таратушыларды анықтау бойынша жұмыс жүргізді. Видео 11 ай бұрын желідегі арналардың бірінде жарияланғаны белгілі болды. Актив жиналды. Адамдар жергілікті тұрғындардың ешқайсысы елес көрмегенін атап өтті. Біз қауесет таратушыларды анықтау бойынша жұмыс жүргіземіз», – деді Болатбек Белгібеков.

«Видеоның Ханкөл ауылына ешқандай қатысы жоқ. Бұл жалған ақпарат. Адамдар жалған хабарламаларға сенбеуі керек», – деп атап өтті ол.

Бұған дейін Ханкөл ауылының тұрғындары сары шашты қыздың елесі бүкіл тұрғындарды қорқытқанын айтқан болатын. Олардың айтуынша, елес терезелерді қағып, тасжол бойымен жүріп өтіп бара жатқан көлік жүргізушілерін шошытады.

Ауыл әкімі жергілікті имаммен және ақсақалдармен бірге, тіпті, зұлым рухтардан құтылу үшін құрбандық шалу рәсімін жасады.

Одан кейін Батыс Қазақстан облысының әкімі Ғали Есқалиев полиция қызметкерлерін Ханкөл ауылына жіберді.

Back to top button