Судың әлегі

Биыл жаз мезгілі бастала салысымен Жаркент өңіріндегі ұсақ тау өзендері арнасынан асып, етектегі елдің мазасын алды. Бірнеше дүркін тасыған өзен Көктал Арасан, Әулиеағаш ауылдарындағы өзенге салынған көпірді шайып кетті. Оны қалпына келтіру үшін су деңгейі төмендеу керек. Сондай-ақ қайта-қайта аққан сел ауыл маңының қора-қопсыларын да ағызып әкетті. Әзірге жағдай тұрақталды дейді жергілікті Төтенше жағдайлар қызметі. Десе де көпірі жасалмаған ауыл тұрғындары аудан орталығына орман арқылы жолсызбен қатынап жүр.