«Nur Otan»: қалалық және аудандық конференциялардағы пікірсайыстарға 1397 кандидат қатысады

«Nur Otan» партиясының бүкіл еліміз бойынша аудандық және қалалық филиалдары Саяси кеңес бюросының отырыстарын өткізіп, олардың барысында конференциялардағы пікірсайыстарға қатысушылардың тізімі бекітілді.

Жалпы, партияішілік іріктеудің екінші кезеңі аясында аудандар мен қалалардың конференцияларында пікірсайыстарға 1397 кандидат қатысады. Оның ішінде Нұр-Сұлтан, Алматы және Шымкент қалалары да бар.

Пікірсайыстар мен дауыс беру қорытындылары бойынша ең жоғары нәтижелерге ие болған қатысушылар облыстық партиялық тізімге енгізу үшін ұсынылады.

Пікірсайыс қорытындылары бойынша ең көп дауыс жинағандар, өңірдің Мәжілістегі өкілдік квотасына сәйкес, Мәжілістің партиялық тізіміне пікірсайысқа қатысушылар ретінде облыстық конференцияға ұсынылады.

Пікірсайысқа қатысушылардың тізімімен primaries.kz. сайтынан танысуға болады.

Естеріңізге сала кетейік, бұған дейін «Nur Otan» партиясы өңірлік конференциялар кестесін жариялаған болатын. Оның барысында барлық деңгейдегі мәслихаттар мен әр өңірден Мәжіліске партиялық тізімге кандидаттар анықталатын болады.

Облыстық мәслихаттарға партиялық тізімдер тиісті конференцияларда, ал Мәжіліске қорытынды тізім «Nur Otan» съезінде бекітіледі.

Партияішілік іріктеу – праймериздің бірінші кезеңіне 10 мыңға жуық кандидат қатысты. Олардың 37%-ті – әйелдер, 29%-ті – 35 жасқа дейінгі жастар. Бастауыш партия ұйымдарынан кандидаттардың 30%-ті ұсынылса, ал 70%-ті – өзін-өзі ұсынушылар. Дауыс беруге 662 мыңнан аса партиялық қатысты.

Back to top button