Jañalıqtar

Elimizdiñ 9 öñirinde 39 jaña su qoyması salınadı

Bwl turalı QR Ekologiya, geologiya jäne tabiği resurstar ministri Mağzwm Mırzağaliev ayttı.

«Agroönerkäsiptik keşendi damıtu jönindegi 2017-2021 jıldarğa arnalğan memlekettik bağdarlamada 41 avariyalıq su qoymasın qalpına keltiru közdelgen. Onıñ işinde 2017-2019 jıldar kezeñinde 10 nısan paydalanuğa berildi. Al ekeui osı jılı ayaqtalatın boladı. 2021 jılı tağı 8 nısandı ayaqtau josparlanuda jäne qalğan jiırma 21 nısan 2025 jılğa deyin iske asırıladı. Bwdan basqa, 9 öñirde jalpı kölemi jılına 3,6 mlrd tekşe metr bolatın 39 jaña su qoymasın salu josparlanğan. Olardı iske asıru üşin 115 mlrd teñge qajet», – dedi ol Ükimet sağatında.

Onıñ dereginşe, su qoymaların salu 70 eldimeken üşin su tasqını qwbılıstarınıñ qaupin azaytuğa, 394 mıñ gektar jaña suarmalı jerlerdi aynalımğa engizuge jäne auıl şaruaşılığında 129 mıñnan astam jwmıs ornın qwruğa jağday jasaydı.

Sonımen qatar transşekaralıq özenderdiñ su kölemine täueldilikti alıp tastauğa mümkindik beredi.

«Atap aytsaq, Qırğızstannan 30 payızğa deyin, Özbekstannan 25 payızğa deyin, al Reseyden 15 payızğa deyin täueldilikti arıltadı», – dedi Mağzwm Mırzağaliev.

Back to top button