Jañalıqtar

Almatıda ton satqan alayaq äyel wstaldı

Almatıda qımbat bağalı tondardıñ jalğan satuşısı wstaldı, dep habarlaydı Polisia.kz. 

Küdikti azamatşanı jedel qızmetkerler  «HI-Tech» respublikalıq is-şarası barısında äşkereledi.

«Bizdiñ basqarmasınıñ kiberqılmısqa qarsı küres böliminiñ qızmetkerleri Alatau audanınıñ PB KPB qızmetkerlerimen birge alayaqtıq äreketteri üşin küdikti azamatşanı wstadı. Tekseru barısında onıñ qılmıstıq nietpen Instagram äleumettik jelisinde onlayn kiim dükeni retinde akkaunt aşıp, onda teri tondarınıñ eksklyuzivti model'derin bazar bağasınan tömen bağamen satu turalı jarnamaların ornalastırğanı, paraqşasın  ädemi kiimderdiñ suretterimen toltırğanı anıqtaldı. Köptegen azamattar satuşığa senip, onıñ qulığına boy aldırğan. Alayaqtıñ talabı boyınşa ton satıp alğısı keletin adam onıñ bukmekerlik keñselerdegi şotına aqşa audaruı kerek bolatın. Alayaq äyel aqşa esepşotına tüskennen keyin telefonın öşirip, sim-kartaların auıstırıp, satıp aluşını barlıq messendjerlerde jäne äleumettik jelilerde bwğattap otırğan», – dep habarladı Almatı qalasınıñ  PD Kriminaldıq policiya basqarmasınıñ bastığı Erkin İñkärov.

Qazirgi tañda küdikti wstalıp, QR QK-niñ 190-babı boyınşa sotqa deyingi tergeu amaldarı jalğasuda.

Back to top button