Биыл 11 мыңға жуық этникалық қазақ қандас мәртебесін алды

Биыл 11 мыңға жуық этникалық қазақ қандас мәртебесін алды

Биыл 11 мыңға жуық этникалық қазақ қандас мәртебесін алды
ашық дереккөзі
2020 жылғы 1 қазандағы мәлімет бойынша 10,9 мың адам тарихи отанына оралып, қандас мәртебесін алды. 1991 жылдан бастап республикаға барлығы 1 млн 68,3 мың этникалық қазақ оралды, деп хабарлайды ҚР Еңбек және халықты әлеуметтік қорғау министрлігінің баспасөз қызметі. 2020 жылы Қазақстанға келген қандастардың жартысынан астамы (56,9%) ҚХР – дан, 27,7% – Өзбекстаннан, 9,1% – Түркіменстаннан, 3,4% – Моңғолиядан және 2,9% - басқа елдерден қоныс аударғандар. Келген этникалық қазақтар негізінен Алматы (53,1%) және Маңғыстау (13,2%) облыстарында, сондай-ақ Нұр-сұлтан (4,1%) және Шымкент (3,3%) қалаларына қоныстанған. 9 айдың қорытындысы бойынша еңбекке қабілетті жастағы қандастар саны 57,2%-ды, еңбекке қабілетті жасқа жетпегендер 32,5%-ды және зейнеткерлер 10,3%-ды құраған.