Еліміздің екі өңірінде үсік жүреді

Еліміздің екі өңірінде үсік жүреді

«Қазгидромет» РМК қазанның 13-і күнгі ауа райы болжамын жариялады. Бүгін Қазақстанның басым бөлігі әлі де антициклонның ықпалында. Сол себепті күн жауын-шашынсыз болады. Қазақстанның солтүстік-шығысында және шығысында ғана атмосфералық ағындардың өтуіне байланысты кей жерлерде жауын-шашын (жаңбыр, қар) болады. Республиканың бірқатар өңірінде жел күшейіп, солтүстігінде және шығысында тұман түседі. Шығыс Қазақстан облысының кей жерінде тұман түсіп, күндіз жел 15-20 м/с жылдамдықпен еседі. Жамбыл облысында таңертең және күндіз, Түркістан облысында күндіз желдің жылдамдығы секундына 15-20 метрге дейін күшейеді. Маңғыстау облысының батысында жел 15-20 м/с жылдамдықпен соғады. Павлодар, Солтүстік Қазақстан облыстарының кей жерінде тұман түседі. Алматы, Жамбыл облыстарының кей жерлерінде түнде 3 градус үсік жүреді.