Самат Смақов "Ордабасына" ауысты

Самат Смақов "Ордабасына" ауысты

Футболдан Қазақстан құрамасының капитаны Самат Смақов "Ордабасы" клубында өнер көрсетеді, - деп хабарлайды Vesti.kz. Шымкенттік клубпен келісімшарт 4 тамызда жасалған. Келісімшартқа сәйкес, жартылай қорғаушы клубта осы маусым аяқталғанша өнер көрсетеді. Смақов соңғы кездері "Ақтөбе" клубында өнер көрсеткен, ол онда 13 ойын өткізді (12 рет ҚПЛ-да және бір рет Қазақстан кубогінде). Чемпионатта "Ақтөбе" капитанының қоржынында бес гол соққан, оның төртеуі айып добы. Самат Смақов "Ақтөбе" клубына осы маусымның басында келген болатын. 37 жастағы футболшы бірнеше рет өз мансабын осы клубта аяқтағысы келетінін айтқан. Сонымен қатар осы жылдың көктемінде футболшы Қазақстан құрамасының бас жаттықтырушысы болуды армандайтынын да жасырған емес. "Бұл менің арманым әрі мақсатым. Егер маған болашақта осындай мүмкіндік туса, барынша пайда алып келу үшін мен қолымнан келгеннің барын салар едім. Әзірге мен футболистпін, қашан келесі өмірлік кезеңге өтерімді білмеймін. Ойнағым келеді, әзірге пайда алып келуге жараймын. Өзімнің тарта алмайтындығымды немесе әріптесертіме кедергі болып жүргенімді сезген күні карьерамды тоқтатамын. Жаттықтырушы болғым келетіні құпия емес. Әрине бірінші Владимир Муханов немесе Алексей Перушин секілді мамандардың штабында көмекші болудан бастағаным дұрыс шығар", - деген еді Смақов.