Праймериз жаңа көшбасшылардың ағыны үшін сүзгі болмақ – Қазыбек Шайх

Праймериз – бұл күш-қуат! Алматылық ғалым және «ҚР Бейбітшілік қоры» төрағасы Қазыбек Шайх «Nur Otan» партиясы Алматы қалалық филиалының сайлауалды бағдарламасының жобасын таныстырудан кейін осындай қорытындыға келді. Жоба Елбасының 5 институционалдық реформасына, Мемлекет басшысының «Жаңа жағдайдағы Қазақстан: іс-қимыл кезеңі» Жолдауы мен «Алматы-2050» даму стратегиясына негізделген. Оған кездесудің тағы бір қатысушысы – медиа-сарапшы, теледидар продюсері және жазушы Виктор Елисеев те қосылды. Екі қатысушы да өз пікірлерімен жеке аккаунттарында бөлісті. Сарапшылар келесі басымдықтарға назар аударды. 1. Елде өзгерістер мен жаңа тұлғаларға қуатты сұраныс бар. Праймериз жаңа көшбасшылардың ағыны үшін сүзгі ретінде ойластырылған. 2. Өзін өзгерте алатын партия елді өзгерте алады. 3. Праймериз нәтижелері бойынша дауыс беру ашық және технологиялық жағынан мінсіз өтеді. Қазірдің өзінде 10 мың бірреттік қосылымға стресс-тест жүргізілді. Жүйе мықтылығын көрсетті. Деректердің көшірілуі бірден 4 өңірлік IT орталықта жүзеге асады. 4. Сіз тек «Nur Otan» мүшелеріне және тек бір IP мекенжайдан дауыс бере аласыз. Яғни, егер пәтерде бірнеше партия мүшесі тұрса, онда WiFi-дан бөлек мобильді интернетті пайдалануға тура келеді. 5. Праймериз кезінде «Nur Otan» партияның сайлауалды тұғырнамасына кіретін жүздеген идеяларды жинай алды және жүздеген адамдарды – өңірлердің жаңа саяси жұлдыздарын анықтай алды. 6. Алматы қаласы праймеризді қолдайды. 7. Коронавирус қала экономикасына қатты соққы берді. Қала әкімшілігі қаладағы экономикалық процестерді қалпына келтіру және дамыту тетіктері бойынша жұмыс істейді. 8. Алматыда ең басты мәселелер – халықты әлеуметтік қорғау, жұмыспен қамту және қала халқының табысын арттыру. Қоғам партияның Алматы қалалық филиалының Праймериз процесін ұйымдастырудағы және өткізудегі белсенділігін атап өтті: бір орынға 8 үміткер, қызықты пікірталастар, БАҚ-тың көптүрлілігі, кандидаттардың белсенділігі.