Мүгедектік жәрдемақы рәсімдеп беремін деп ақша жинаған алаяқ қолға түсті

Мүгедектік жәрдемақы рәсімдеп беремін деп ақша жинаған алаяқ қолға түсті

Мүгедектік жәрдемақы рәсімдеп беремін деп ақша жинаған алаяқ қолға түсті
ашық дереккөзі
Шымкент қаласының тұрғыны бүгінге дейін халықты алдап, ақша жинап отырған. Рolisia.kz-тің хабарлауынша, ол қылмыскерді Шымкент қаласында Әл-Фараби АПБ Криминалдық полиция бөлімінің қызметкерлері қолға түсірген. Негізі сол бөлімшеге бұған дейін 102 сымтетігіне апалы-сіңлілер хабарласып шағымданған болатын.
Айтуынша, олардың таныс келіншек «мүгедектік бойынша жәрдемақыға шығарып беремін» деп алдап, алаяқтық жолмен бірінен 135 мың теңге, екіншісін – 270 мың теңге алыпты.
Бұл жайт Сотқа дейінгі тергеп-тексеру бірыңғай тізілімінде ҚР ҚК- нің 190-бабы 1-бөлігі (Алаяқтық) бойынша тіркелді. Жедел іздестіру іс-шараларын жүргізу барысында күдіктіні анықтап, полицияға жеткізді.
Ол 1986 жылы туған жергілікті тұрғын болып шықты. Ұсталған азаматша өз кінәсін мойындады. Қала аумағында жасалған басқа да осыған ұқсас қылмыстарға қатысы бар-жоғы тексерілуде. Қылмыстық істер бойынша сотқа дейінгі тергеу амалдары аяқталған соң, заңды әрі негізді процестік шешім қабылданады.