21 Қыркүйек, 16:02 327 0 Праймериз Анар ЛЕПЕСОВА

Праймериз: Алматылық үміткерлер медициналық көмектің қолжетімділігін арттыруға мүдделі

Алматыда үгіт-насихаттың басынан праймериз кандидаттары 2000-ға жуық іс-шара өткізді.

Алматылық нұротандықтар көбіне медициналық қамтамасыз ету мәселелеріне алаңдаушылық білдіруде. Халықтың барлық топтары үшін сапалы медициналық көмектің қолжетімділігі – партия мүшелерінің кандидаттарға қоятын негізгі талабы.

Алматылық партия мүшелері медициналық қызмет көрсету саласындағы ең заманауи технологияларды енгізуді, медицина қызметкерлерінің кәсіби дайындығын жетілдіру үшін жағдай жасауды және мемлекеттік медициналық мекемелерде жоғары білікті дәрігерлердің тиімді қызмет етуі үшін ынталандыруды талап етеді.

Сондай-ақ, қала кәсіпорындарындағы кәсіподақ ұйымдарының мүшелерін әлеуметтік қорғауға бағытталған мәселелер көтерілді. Қаланың еңбек ұжымдарының қызметкерлері лайықты жұмыс жағдайларын жасауға, еңбек заңнамасын жетілдіруге, еңбекақы төлеу жүйесіне өзгерістер енгізуге мүдделі. Базалық лауазымдық айлықақыны заңмен белгіленген ең төменгі жалақы мөлшеріне ауыстыру жолымен бюджет саласы қызметкерлерінің еңбегіне ақы төлеу жүйесін жетілдіруге ерекше назар аударылды.

Өткен кездесулердің оң мысалы сөзден нақты іске көшу болып табылады. Мысалы, праймеризге үміткерлердің бірі Алмалы ауданының әкімі және «Nur Otan» партиясы Алмалы қалалық филиалының төрағасы Бекқали Торғаевпен №54 мектепті кеңейту бойынша кездесу өткізді. Сондай-ақ балалардың музыкалық дамуы үшін сыныптар мен жеке ғимарат қосу мәселелері көтерілді.

ҚР Денсаулық сақтау министрі Алексей Цоймен кездесуде праймериз үміткерлерінің бірі карантинді жеңілдетуді және бұзушылар үшін айыппұлды көбейтуді сұрады. Карантин шараларын кезең-кезеңмен жеңілдету, дәрігерлерді әлеуметтік қорғау, шағын және орта бизнеске көмек көрсету мәселелері талқыланды.

Сондықтан, бүгінгі таңда праймериз үміткерлеріне өздерінің бағдарламалық уәделерін орындау, қоғамның қазіргі сын-қатерлеріне байланысты қажетті түзетулер енгізу бойынша байыпты жұмыс қажет.

Соңғы жаңалықтар