Трампқа жолданған сәлемдемеден у табылды
Трампқа жолданған сәлемдемеден у табылды
Президентке жолданған заттарды зерттеу барысында (Ақ үй аумағынан тыс жерде жасалады) сәлемдемелердің бірінен рицин уы табылды. Бұл қауіпті зат майсана бұршағынан алынады. Президенттің қауіпсіздігін қамтамасыз ететін АҚШ-тың құпия қызметі тергеуді бастады. Федералды тергеу бюросы да тергеу амалдарына кірісті. Ақ үй әзірге бұл оқиғаға байланысты пікір білдірген жоқ. Еске сала кетейік, 2018 жылдың қазанында АҚШ-тың арнайы қызметтері Трампты және Пентагонның жоғары шенді қызметкерлерінуламақ болған күдіктіні тұтқындаған. АҚШ-тың Әскери-теңіз күштерінің 39 жастағы бұрынғы қызметкері Уильям Клайд Аллен рицинмен уланған бірнеше конвертті Ақ үйге, сондай-ақ Пентагон басшысы Джеймс Мэттиске және әскери-теңіз операцияларының жетекшісі, адмирал Джон Ричардсонға жөнелткен болатын.