Республикалық конкурс: инклюзивті білім беру туралы үздік материалдар қабылданады

«Болашақ» қоры журналистер мен әлеуметтік желілерді қолданушылар арасында инклюзивті білім беруді жариялау бойынша үздік материалға жыл сайынғы конкурстың басталғанын жариялады. Конкурстың жалпы жүлде қоры – 1 500 000 теңге. Конкурс 5 номинация бойынша өткізіледі: телевизиялық жұмыс, әлеуметтік ролик, баспасөз бетіндегі жарияланым, интернет-мақала және интернет- жарияланым/пост. Өтінімдер 2021 жылғы 1 наурызға дейін (қоса) қабылданады. Жеңімпаздардың есімдері Дүниежүзілік аутизм мәселесі туралы ақпарат тарату күні 2021 жылғы 2 сәуірде жарияланатын болады. Конкурс арқылы ұйымдастырушылар даму ерекшеліктері бар балаларды әлеуметтік бейімдеудің практикасы мен сәтті тәжірибесін атап өтіп, азаматтарды инклюзивті білім берудің міндеттері мен артықшылықтары туралы ақпараттандыру процесіне журналистер мен әлеуметтік желілердің белсенді қолданушыларын тартуға тырысады. Ұйымдастырушылар бұл конкурс аутистикалық спектрі бұзылған адамдарға қазақстандық қоғамның толерантты қарым-қатынасын қалыптастыруға оң әсер ететініне сенімді. Конкурс өткізіліп жатан уақыт ішінде барлық Қазақстан мен шет елдерден барлығы 200-ден астам жұмыс келіп түсті. Конкурсқа республикалық және өңірлік телеарналардың, ақпараттық агенттіктердің, баспа басылымдарының журналистері, сондай-ақ әлеуметтік желілерді қолданушылар қатыса алады. Қазылар алқасының құрамына белгілі журналистер, медиа жетекшілері және жай ғана жанашыр азаматтар кірді: Қазақстанның еңбек сіңірген қайраткері, телевизия продюсері және журналист Ләйля Сұлтанқызы, «Хабар» телеарнасының директоры Динара Бисембина, «Книга перемен» кітап-блокнот авторы, журналист Бота Байтукбаева, «Болашақ» корпоративтік қорының Қамқоршылық кеңесінің төрәйімі Динара Шәйжүнісова және басқалары. Конкурс шарттарымен www.bolashakcharity.kz сайтында танысуға болады. Толық ақпаратты +7 775 225 19 07 (Ляйля), 8 7172 500 618 телефондары бойынша ала алалсыз. Анықтама: Конкурсты «Болашақ» корпоративтік қоры «Nur Otan» партиясының қолдауымен жүзеге асырылатын инклюзивті білім беруді дамыту бойынша «Әр бала мектепке лайықты» жобасы аясында 2016 жылдан бастап өткізеді. Жоба білім беру ұйымдарында аутизм және басқа да ерекше қажеттіліктері бар балаларға білім берудің инклюзивті моделін енгізуге бағытталған. «Әр бала мектепке лайықты» жобасы аясында Қазақстанның барлық өңірлерінде инклюзияны қолдау 43 кабинеті ашылып, онда аутизм және басқа да ерекше қажеттіліктері бар 440 бала білім алады.