12 Тамыз, 18:19 2200 0 Жаңалықтар Анар ЛЕПЕСОВА

17 тамыздан бастап Қазақстан 7 мемлекетке әуе рейстерін жандандырады

Қазақстан аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 2020 жылғы 11 тамыздағы шешіміне сәйкес, 2020 жылғы 17 тамыздан бастап Біріккен Араб Әмірліктеріне, Беларусь Республикасына, Германияға, Нидерландыға, Египетке, Украинаға және Ресей Федерациясына халықаралық рейстер кезең-кезеңімен жаңартылады. Бұл туралы ИИДМ баспасөз қызметі хабарлады.

Министрлік жоғарыда аталған елдердің авиациялық органдарымен бірлесіп тұрақты жолаушылар рейстерін қалпына келтіру мәселесін алдын-ала пысықтады. Осылайша, бұл елдер санитарлық-эпидемиологиялық талаптарға сәйкес (термометрия, әлеуметтік дистанция, маска режимі, ПТР тестілеу және т.б.) Қазақстанмен ұшуды қалпына келтіруді қолдайды.

Сонымен бірге Ресейге ұшу үшін Ресей тарапынан рұқсат талап етілетінін атап өткен жөн.

Халықаралық бағыттар бойынша рейстердің саны әуе қатынасы туралы үкіметаралық келісім негізінде және әр бағыттағы әуе кемелерінің коммерциялық жүктемесіне байланысты орындалады.

 

Рейстер мен билеттерді сату әуекомпаниялардың сайттарында жарияланған кестеге сәйкес азаматтардың жоғарыда аталған елдермен мемлекеттік шекаралар арқылы өтуіне шектеулер алынып және Қазақстан мен тиісті елдер белгілеген санитарлық қауіпсіздік шаралары күшейтілген жағдайда, эпидемиологиялық жағдайдың жақсаруына қарай жүзеге асырылатын болады.

 

 

 

Соңғы жаңалықтар