Нұротандықтар жалғызбасты анаға қаржылай қолдау көрсетті
Нұротандықтар жалғызбасты анаға қаржылай қолдау көрсетті
«Nur Otan» партиясы Жылыой аудандық филиалының қоғамдық қабылдау бөлмесіне жалғызбасты, мүгедек бала тәрбиелеп отырған жас ана мына карантин жағдайында жұмысқа шығуға мүмкіндігі жоқ екенін, науқас баласын кезекті емін алуға, дәрілер алуға, тіпті тамаққа қаржысы қалмағанын айтып, көмек сұрап, өтініш білдірген болатын.
Аудандық мәслихат депутаты С.Мәмбетованың демеушілігімен мүгедектер қоғамдық бірлестігі төтенше жағдай кезеңінде тұрмыстық қиын жағдайда қалған аз қамтылған отбасыға қаржылай көмек көрсетті.
Мүгедек бала бағып отырған жалғызбасты жас ана А.Төлегенова өзін қиындықпен бетпе-бет жалғыз қалдырмай, өтінішіне құлақ асып, қол ұшын созған партия филиалына, маслихат депутаты мен мүгедектер қоғамына ризашылығын жеткізді.