__Bastı slayderJañalıqtar

Mataevtıñ advokattarı tergeuşilerge ökpeli

Almatıda ötken baspasöz mäslihatında Mataevtıñ advokattarı tergeudiñ isti qayta qaraudan jäne qosımşa sot-ekonomikalıq saraptama tağayındaudan bas tartqanın habarladı. Şağımda advokattar is materialdarına buhgalteriya jäne salıq qwjattamaların qosudı ötingen. Qorğauşılardıñ pikirinşe, qosımşa qwjattar Seyitqazı jäne Äset Mataevtardıñ kinäli emestigin däleldeu üşin qajet.

Mataevtardıñ qorğauşısı Andrey Petrovtıñ aytuınşa, tergeuşiler «jetispey twrğan qwjattardı qalpına keltirgen» degen uäjben bwl qwjattardı qospay otır. Petrovtıñ pikirinşe, bes jıldıñ qarjı jäne esep qwjattarın üş ayda qayta qalpına keltiru mümkin emes, eki jıldıñ qwjattarın qaytadan jasatuğa kem degende segiz ay uaqıt qajet.

Memleket qarajatın jımqırdı, jalğan käsipkerlikpen aynalısıp, salıq töleuden jaltardı degen ayıptar tağılıp, üy qamaqqa alınğan Qazaqstan jurnalister Odağınıñ törağası, Wlttıq baspasöz klubınıñ basşısı Seyitqazı Mataevqa tağılğan ayıptar alayaqtıq jäne salıq töleuden jaltaru baptarına auıstırılğan.

«Bizde alğa jılju bar. Sansız ötinişter, şağımdar nätijesinde Äset jäne Seyitqazı Mataevtardıñ jäne memlekettik qızmetşilerdiñ äreketteri basqa bapqa auıstırıldı. Bwl – az da bolsa alğa jılju. Baptar birşama jwmsarğan, biraq, qorğauımdağılar özderin mülde kinäsiz sanaytındıqtan bwl äli eşteñe de emes», –  deydi advokat Mädina Bakieva.

Sonımen S. Mataevqa qazir 1997 jılğı Qılmıstıq kodekstiñ 177-babı, 4-bölimi, «b» tarmağı boyınşa – «Alayaqtıq, yağni bötenniñ mülkin wrlau nemese aldau, senimin paydalanu arqılı bötenniñ asa iri kölemdegi mülkin tonau», 245-bap, 3-bölim boyınşa «Mindetti deklaraciya tapsırudan bas tartu arqılı asa iri kölemde salıq töleuden jaltaru», 190-bap, 4-bölim, 2-tarmaq boyınşa «Alayaqtıq, qızmettik  jağdayın paydalana otırıp  jasalğan, aldau jäne senimdi paydalanu arqılı memlekettik satıp alular salasında iri kölemdegi tonau äreketi» degen ayıptar tağılsa, soñğı bap boyınşa S. Mataevtıñ wlı, «KazTAG» JŞS basşısı Äset Mataevta jauapqa tartılğanı belgili.

 

Back to top button