__Bastı slayderSayasat

«Nwr Otan» partiyası: El senimi – ıntımaq kepili

«Nwr Otan» partiyasınıñ öñirlerdegi filialdarı köşpeli qoğamdıq qabıldaular jwmısın jandandırdı. Partiya müşeleri azamattardıñ ötiniş-tilekterine qwlaq türip, twrğın üy, twrğın üy-kommunaldıq qatınastar, jwmıspen qamtu, qoğamdıq kölik pen joldar jäne basqa da äleumettik mañızdı mäseleler boyınşa qwqıqtıq keñes berudi jäne zañnama normaların tüsindirudi jalğastıruda.

Ötken aptada «Nwr Otan» partiyasınıñ Astana qalalıq filialı №28 mektepte köşpeli qoğamdıq qabıldau wyımdastırdı. Şarağa «Nwr Otan» partiyası Astana qalalıq filialı törağasınıñ birinşi orınbasarı Mamıtbekov Edil Qwlamqadırwlı, Astana qalası «Almatı» audanı äkiminiñ orınbasarı Senğaziev Qasımhan Senğaziwlı, qalalıq mäslihat deputatı A.R. Oralov, «Almatı» audanı prokurorınıñ orınbasarı Isabekov Bauırjan, «Almatı» audandıq İİB basşısı, policiya polkovnigi Tölebaev Marat Sağıntaywlı, Astana qalası Ädilet departamentiniñ jetekşisiniñ orınbasarı Sağın Erbol Wbaydollawlı, Astana qalası Jwmıspen qamtu, eñbek jäne äleumettik qorğau basqarması jetekşisiniñ orınbasarı jäne basqa da 20-dan astam memlekettik wyımdar men mekemelerdiñ jetekşileri qatıstı.

«Nwr Otan» partiyası Astana qalalıq filialı törağasınıñ birinşi orınbasarı E.Mamıtbekov köşpeli qoğamdıq qabıldaulardıñ mañızına toqtaldı. «Büginde elorda twrğındarı keñes aluda jüginetin mekeme bar. Ol – «Nwr Otan» qalalıq filialınıñ qoğamdıq qabıldau bölimi. Qazirgi uaqıtta osınday qabıldau bölimderi keybir mäselelerdi şeşude mañızdı orın aladı. Qoğamdıq qabıldau bölimi – partiya men halıqtıñ arasın tığız baylanıstıratın qwral. Qabıldau ötkizu arqılı memlekettik organdar qarapayım azamattardıñ mäselelerimen tanısadı, al qala twrğındarı özderin mazalağan swraqtarğa jauap aladı. Öytkeni twrğındardıñ ärbir memlekettik jäne jeke menşik wyımdardıñ basşılarına tikeley öz ötinişin jetkizuge mümkindikteri bola bermeydi. «Nwr Otan» partiyası Astana qalalıq filialı memlekettik jäne jergilikti atqaruşı organdardıñ qatısuımen qalanıñ şetki audandarında jäne saylau okrugterinde jüyeli türde qoğamdıq qabıldau ötkizip keledi. Köşpeli qoğamdıq qabıldaudıñ mañızdılığı – jergilikti jerde azamattardı qabıldau arqılı uaqıttı ünemdeu, problemalardıñ uaqıtında jäne tiimdi şeşiluine septigin tigizedi. Qabıldau jwmısında käsibi qwqıqtıq kömek, keñester berilip, zañnamalıq normalar tüsindirildi. Qabıldau jwmısı memlekettik organ ökilderiniñ azamattardıñ ötinişterin qarastırudağı wqıptılığı men jauapkerşiligin arttıradı, jüyeli saraptau jürgizip, naqtı şeşimder qabıldauğa sebep boladı. Azamattardıñ ötinişteri partiya tarapınan qatañ qadağalauda boladı», – dedi E. Mamıtbekov.

Sonday-aq, ötken aptada «Nwr Otan» partiyasınıñ respublikalıq qoğamdıq qabıldauında QR Densaulıq saqtau jäne äleumettik damu ministrliginiñ qwrılımdıq bölimderiniñ jetekşileri azamattardı jeke mäseleleri boyınşa qabıldadı. Qoğamdıq qabıldauğa kelgenderdiñ biri – Astana qalasınıñ twrğını Natal'ya Abele jwmıssızdıq boyınşa tölenetin äleumettik järdemaqı alu mäselesi boyınşa jügindi. «Büginde eşqanday äleumettik järdemaqı almaymın. Densaulığıma baylanıstı jwmıs isteuge qabiletsizbin. Köz janarımnıñ 80 payızınan ayırıldım. Kündelikti ömir süruge az-maz aqşa tabamın», – dedi elorda twrğını.

Bwl mäseleni öz baqılauına alğan ministrliktiñ tiisti komitet ökilderi N.Abele juıq arada äleumettik järdemaqı alatının jetkizdi. Biılğı jıldıñ tamız ayınan bastap N.Abele mümkindigi şekteuli azamattardıñ qatarına jatqızılmaq. Ol mümkindigi şekteuli jandardı jwmıspen qamtuğa bağıttalğan oqu ortalığına ötiniş bildirgen bolatın. «Jwmıspen qamtu ortalığına mügedektigine qaramastan kez kelgen adam ötiniş bildire aladı. Bos jwmıs orındarı bolğan jağdayda sizderge habarlanatın boladı. Sonday-aq, oqıtu mäselesi de qarastırılğan. Mügedektik därejesi berilgennen keyin jwmıspen qamtu mäselesi qarastırıladı», – dedi ministrliktiñ ökilderi.

Bwğan qosa, QR Densaulıq saqtau jäne äleumettik damu ministrliginiñ mamandarı Astana qalasınıñ twrğını Qaliya Bäyterekovanıñ ötinişine qwlaq türdi. Ol kämeletke tolmağan mümkindigi şekteuli balalardı emdeu mäselesi boyınşa jügindi. Qaliya Bäyterekovamen tildesken Astana qalası Densaulıq saqtau basqarması basşısınıñ orınbasarı Nwrğalieva Säule № 5 qalalıq emhanada balalarğa tegin em körsetiletinin ayttı.

«Nwr Otan» partiyasınıñ Aqtöbe oblıstıq filialında är senbi sayın jer mäselesi boyınşa qoğamdıq qabıldaular jürgizilude. Ädettegidey ötken senbide de qabıldauğa kelgen adamdardıñ qoyğan swraqtarı mwqiyat tıñdalıp, wsınıstarı tirkeldi.

Azamattardı «Nwr Otan» partiyası Aqtöbe oblıstıq filialı törağasınıñ birinşi orınbasarı Aybek Sağiev, oblıstıq mäslihattıñ deputatı D.Dovmatenko, oblıstıq Jer qatınastarı basqarmasınıñ bölim basşısı E.Jarjanov jäne tağı da basqa partiyanıñ belsendi müşeleri qabıldadı.

Aqtöbe oblısı aymaqtıq käsipodaqtar birlestiginiñ bas mamanı Selbay Qojıqov: «Bügin qabıldauğa kelgen adamdardıñ kökeytesti mäselelerin mwqiyat tıñdadıq. Ärine eñ birinşi mäsele – jer mäselesi. Biz zañğa engiziletin özgerister neden tuındaytının, qanday maqsatta qabıldanatının tüsindirip jatırmız. Özderiñiz bilesizder, ötken jılı qoğamdıq keñester turalı, qoğamdıq birlestikter turalı zañ tolıqtırılıp, jañğırtıldı. Qwqıqtıq märtebeler berildi. Soğan oray köptegen jwmıstar atqarıluda. Köptegen igi isterge «Nwr Otan» partiyası Aqtöbe oblıstıq filialı atsalısıp otır. Bügin de mine, qalanıñ ortasında, «Nwr Otan» partiyası Aqtöbe oblıstıq filialı ğimaratında qabıldau jürgizilude. Qabıldauğa är salanıñ mamandarı keldi. Men käsipodaqtar ökili retinde qatısıp otırmın», – dep qoğamdıq qabıldau jwmısı barısın äñgimeledi.

«Nwr Otan» partiyası Aqtöbe oblıstıq filialı qoğamdıq qabıldau böliminiñ keñesşisi Amankeldi Mektepbaevtıñ aytuınşa, qoğamdıq qabıldauğa keletin azamattardıñ arasında jer mäselesinen bölek, şağın jäne orta biznes, twrğın üy salu sındı türli mäseleler boyınşa jüginetinder köp. «Ötken senbide qabıldauğa 51 azamat kelip jolıqtı. Onıñ 21-i jer alu kezegi boyınşa, 13-i jwmıs jöninde mäsele qozğadı. Jer satuğa qarsılıq bildirip kelgen 6 adam boldı. Qalğandarı käsipkerlik qwru, twrğın üy alu sındı jeke jwmıstarımen keldi. Bügin de adam az emes. Bäri birdey jerge qatıstı mäseleni qozğap otırğan joq», – dedi ol.

Jambıl oblısındağı nwrotandıqtar da azamattardıñ mwñ-mwqtajın tıñdap, ötiniş-tilekterin qanağattandıruğa ayrıqşa köñil bölip keledi. Mäselen, apta basında «Nwr Otan» partiyası Jambıl audandıq filialı audandıq prokuraturamen birlese Besağaş auıldıq okruginde köşpeli qoğamdıq qabıldau ötkizdi. Qabıldaudı «Nwr Otan» partiyası Jambıl audandıq filialı törağasınıñ birinşi orınbasarı Nesipbekov Nwrlan Küderbaywlı men audan prokurorınıñ orınbasarı Asılbekov Almas Äbdinwrwlı jürgizdi.

Qabıldau barısında auıl twrğındarı jeke swraqtarı men auıldıñ kürdeli, şeşimin tappay jürgen mäselelerin qozğadı. Atap aytsaq, Türksib auılı, Qaroy köşesi №1 üydiñ twrğını Janwzaq Isaqwlı 2016 jıldıñ qañtar ayında jeke şaruaqojalığınan 3 bas iri qara malı joğalıp, äli künge tabılmağanın ayttı. Al Asa auılınan kelgen Şekerbay Bazarbekov mal wrlığınıñ jii orın alatındığın jäne osı jayttardı boldırmau üşin prokuratura tarapınan baqılau küşeytilip, işki ister qızmetkerleri tüngi reydter jürgizse degen ötinişterin bildirdi. Ötiniş ielerine zañ ayasında tüsindiru jwmıstarı jürgizilip, köterilip otırğan mäselelerdiñ orındı ekenin jäne aldağı uaqıtta şeşimin tabuğa ıqpal etetindikteri turalı aytıldı.

Qostanay oblıstıq partiya wyımınıñ qoğamdıq qabıldau bölmesiniñ esigi de nwrotandıqtarğa talap-tilegin, arız-şağımın jetkizgisi kelgen jergilikti twrğındarğa ärkez aşıq. Mäselen, seysenbi küni «Nwr Otan» partiyası janındağı sıbaylas jemqorlıqqa qarsı is-qimıl jönindegi Respublikalıq Qoğamdıq Keñes törağasınıñ birinşi orınbasarı O.Ä. Äbdikärimov Qostanay oblısına issaparı barısında azamattardı jeke mäseleleri boyınşa qabıldadı.

Aldın ala BAQ-ta jariyalanğan habarlandıru boyınşa qabıldauğa 14 azamat tirkelgen bolatın. Olardıñ törteui memlekettik organdardıñ is-qimıldarına narazılığın bildirdi. Mısalı, Qostanay audanınan kelgen azamatşa L.I. Krasnojenova Zatobol eldi mekeniniñ äkimi men audan prokurorınıñ äreketsizdigine şağımdansa, T.E. Rad'ko «JerĞZO» RMK QF jer teliminiñ şekarasın belgilep bermeuine jäne qalalıq säulet basqarmasına, F.A. Ahataev Tobıl beketinde «VJDO» AQ atqıştar komandasınıñ küzetşisin zañsız jwmıstan şığarılğanı turalı ötinişpen kelgen. Olarğa tiisinşe tüsinikteme jäne wsınıstar berildi. Sarıköl auılınıñ twrğını A.S. Bagdasaryan özin mindettemesin dwrıs orındamaytın tauar wsınuşı etip jariyalağan memlekettik mekemeniñ üstinen şağımdandı. Oğan sot şeşimimen kelispey, Bas prokuraturağa jüginuge, sodan keyin appelyaciyağa beruge keñes berildi. Al «Wzınköl audandıq bilim beru» MM basşısınıñ äreketine Qostanay oblısınıñ prokuraturasına arız jazu wsınıldı.

Kelesi 6 adam qwqıqqorğau organdarınıñ qanağattanğısız is-qimıldarına şağımdandı. L.A. Dehtyareva qwqıqqorğau organınan zañsız bosatılğanı jäne sözbwydağa saluşılıq turalı ötinişin bildirse, oğan Respublikalıq Qoğamdıq Keñeske jazbaşa türde ötiniş jazıp berui wsınıldı. Al azamat V.A. Gricay Qostanay qalalıq MAI qızmetkerleri özin zañsız türde jol apatın jasauşı dep kinälauına qarsılıq bildirdi. Sot şeşimi boyınşa onıñ şağımı qanağattandırılğan. Biraq ötiniş iesin policiya qızmetkeriniñ bwyrığın tıñdamağanı üşin (jıldamdıqtı şekten asıru, temirjoldı kesip ötu, qızmetkerdiñ bwyrığına qaramastan toqtamauı) ayıp tağılğan. Bwl kinälar turalı hattama joq. V.A.Gricayğa sıbaylas jemqorlıqqa qarsı is-qimıl jönindegi Wlttıq byuro departamentine jazbaşa türde şağımdanu wsınıldı. Qılmıstıq ister boyınşa sözbwydalıqqa salu turalı ötinişpen kelgen N.I. Skvorcova, S.S. Vostrov, P.V. Samoylenkoğa tüsinikteme berilip, olardıñ mäseleleri qolma-qol oblıstıq İİD men sıbaylas jemqorlıqqa qarsı is-qimıl jönindegi Wlttıq byuro departamentiniñ baqılauına alındı. Al I.I Rodionovanıñ qwqıqqorğau organdarı qızmetkerleriniñ äreketsizdigine şağımdanğan arızı boyınşa oğan jañadan anıqtalğan jağdaylar nätijesinde satıp alu-satu kelisimşartın keri şaqırıp alu jöninde azamattıq sotqa jüginu keñesi berildi. Jäne Qostanay oblısınıñ prokuraturasına bwl isti baqılauğa alu wsınıldı.

Qoğamdıq qabıldaular jwmısınıñ jüyeliligine jiti män beretin partiyanıñ Pavlodar qalalıq filialı da qala twrğındarın tolğandırğan mäselelerdiñ şeşimin tabuğa atsalısıp keledi. Seysenbi küni Pavlodar qalasınıñ prokurorı Erjan Bölegenov «Nwr Otannıñ» Pavlodar qalalıq filialında azamattardı jeke saualdarı boyınşa qabıldadı.

Prokurorğa kelip tüsken swraqtardıñ işinde jalaqısın ala almağan qwrılısşılar brigadasınıñ wjımdıq ötinişi boldı. Ötiniş beruşiler Aqsu qalasında birqatar jwmıstardı atqarğanımen, jwmıstardı aldın-ala eñbek kelisim-şartın jasamay orındağan. Osı sebepti daulı jağday orın aldı. Prokuror qwrılısşılardıñ jazbaşa ötinişin qabıl etip, bwl mäseleni egjey-tegjeyli zertteudi qolğa alatının ayttı.

Aldağı uaqıtta da «Nwr Otan» partiyası qoğamdıq qabıldaular jwmısın jalğastırıp, halıqpen baylanıstı nığayta tüspek.

 

Anar LEPESOVA

Back to top button