Елордада моншадағы бассейннен әйел адамның мәйіті табылды

Нұр-Сұлтандағы "Керемет" моншасының бассейнінен әйел адамның мәйіті табылды. Бұл туралы Polisia.kz порталы хабарлады. Әйел монша кешеніне бейсенбі күні кешке келген. 19.10-да бассейннен оның жансыз денесі табылып, оқиға туралы дереу полицияға хабарланған. 51 жастағы марқұмның екінші топтағы мүгедек екені ("эпилепсия" диагнозымен) анықталды. Ол монша кешенінде анасының сүйемелдеуімен болған. Аталған оқиға бойынша сот-медициналық сараптама тағайындалды. Тексеру жүргізілуде.