Jañalıqtar

Astanağa kiretin kölikter aqı töleui mümkin

         Elordağa kiru aqılı boluı mümkin. Bas qala aumağındağı köşelerdiñ belgili bir böligin aqılı etu mäselesi keşe Astana qalası Qoğamdıq keñesiniñ otırısında qaraldı. Bwl turalı  qala  äkimdiginiñ resmi saytı habarladı.

    «Bügingi tañda qalada täuligine 400 mıñğa juıq kölik tirkeledi, sonday-aq, elordağa altı bağıttan täuligine 74 mıñğa juıq kölik keledi, bwl keptelis tudırıp, kölikterdi twraqqa qoyu mäselesin qiındatadı. Trafikti şekteudiñ eñ tiimdi joldarınıñ biri – qalağa kirudi aqılı etu. Biz qala aumağında köşelerdiñ belgili bir uçaskelerin aqılı qıludı wsınamız», – dedi E.Süleymenov.

Naqtı qay uçaskelerdiñ aqılı bolatını äzirge belgisiz. Qoğamdıq keñes müşeleri osı mäselege qatıstı köp eskertu jasap, sögis ayttı. Osığan baylanıstı aqılı twraqtar jobası boyınşa Qosımşa qwjattar, tüsindirmeler, sızbalar swratıp, mäseleni Qoğamdıq keñestiñ kelesi otırısında qarau turalı şeşim qabıldandı. Qalağa kirudi aqılı etuge qatıstı eşqanday qorıtındı şığarılğan joq.

E.Süleymenov, sonday-aq, Astanadağı jolauşılar köliginiñ jwmısı turalı aqparatpen tanıstırdı.«Qazirgi kezde 86 qalalıq marşruttıñ 64-i şığındı bolıp keledi, sebebi 90 teñgelik tarif 2014 jılı engizilgen, säykesinşe, eki jılda ekonomikalıq jağday özgerdi. Sondıqtan tarifti kötermeu üşin subsidiyalau kerek», – dedi ol. Qoğamdıq keñes müşeleri subsidiyalaudı qoldadı. Aldağı eki jılda qoğamdıq kölikpen jüru tarifin bwrınğı deñgeyde – 90 teñge mölşerinde qaldıru közdelip otır.

Back to top button