COVID-19: Бразилияда бір тәулікте 1,3 мың науқас көз жұмды
COVID-19: Бразилияда бір тәулікте 1,3 мың науқас көз жұмды
Джонс Хопкинс университетінің дерегінше, Бразилия коронавирус жұқтырғандар саны бойынша әлемде екінші орында тұр. Ал вирустан өлім-жітім саны бойынша төртінші орынға көтерілген. Денсаулық сақтау министрлігінің соңғы мәліметтері бойынша, елде COVID-19 індетіне шалдыққандардың жалпы саны 584 016-ға жеткен. Қатерлі вирустан 32 548 адам қайтыс болған. Ал 238 мыңнан аса науқас емделіп шықты. Бүгінде әлем бойынша 6 524 369 адамнан коронавирус анықталды. Джонс Хопкинс университетінің мәліметіне сүйенсек, дүние жүзінде індет құрбандарының саны 386 289-ға жеткен. Ал еліміздегі эпидемиологиялық ахуалға келсек, Қазақстанда соңғы тәулікте коронавирус жұқтырудың 271 жаңа дерегі тіркеліп, індетке шалдыққандардың жалпы саны 12067-ге жетті. Қатерлі вирустан 48 отандасымыз көз жұмды.