Қызылағаш су қоймасы биыл пайдалануға беріледі – министр

Қызылағаш су қоймасы биыл пайдалануға беріледі – министр

Экология, геология жəне табиғи ресурстар министрі Мағзұм Мырзағалиев Алматы облысындағы бірқатар су шаруашылығы нысандарын аралады. Министр өзінің Twitter парақшасында: «Алматы облысының су шаруашылығы нысандарының жұмысымен таныстым. «Жұмыспен қамтудың жол картасын» іске асыру аясында бұл өңірде Көксу тоғанын, Қаратал бөгенін, Үсек өзеніндегі су шаруашылығын қайта салу, Талдықорғанға жақын жердегі ирригациялық жүйені қайта қалпына келтіру бойынша 4 жоба іске асырылады», – деп жазды. «Ақсу ауданындағы Қызылағаш су қоймасын қалпына келтіру барысымен танысып, жұмыс сапасына көз жеткіздім. Бұл жоба ауданды сумен қамтамасыз етуде, ауыл шаруашылығын дамытуда маңызды. Қалпына келтіру жұмысының 90% орындалды. Биыл су қоймасы пайдалануға тапсырылады», – дейді М.Мырзағалиев.